کورونا وېروس: د هرات روغتون له قرنطین خونې ناروغان تښتېدلي

ښاغلي مایار ویلي دې کسانو ډاکټران هم وهلی او موظفو پولیسو سرتیرو د وضعیت په کابو کولو کې مرسته نه ده کړې.
د هرات د عامې روغتیا ریاست مسؤلینو ځینو رسنیو ته ویلي چې په تښتېدلو کسانو کې یوه مثبته پېښه هم ده چې د دایکندي ولایت اوسېدونکی دی.
له دې وړاندې داسې شکایتونه وو چې ګواکې د قرنطین په خونه کې د پالنې امکانات نشته او سمه درمنله هم نه کیږي.
د رسمي شمېرو له مخې په هرات کې د کورونا وېروس یوولس مثبتې پېښې ثبت شوي او یو شمېر نور مشکوک دي.