غور کې د ولسي پاڅون کوونکو او وسله والو طالبانو ترمنځ نښته کې ۲۰ تنه وژل شوي

د غور د والي ویاند عبدالحي خطیبي پیښه مني او وایي چې تراوسه د تلفاتو په اړه کره مالومات نشته، خو د غور د ولایتي شورا غړی بصیر قادري وایي چې، په نښته کې ۱۶ ولسي وګړي، ۱۶ ولسي پاڅون کوونکي او ۵ امنیتي ځواکونه وژل شوي دي او ۱۶ تنه نور ټپیان دي.
بلخوا سرپل ولایت کې تیره شپه شاوخوا یوولس بجې یو ځل بیا طالبانو له دوو لورو څخه د سرپل مرکز او دغه راز د سوزمه قلعه ولسوالۍ اړوند سیمو یرغلیز بریدونه کړي.
د سرپل والي ویاند ذبیح الله اماني په خبره د نښتې په ترڅ کې شپږ تنه وسله وال طالبان وژل شوي او نهه تنه یې ټپیان دي.
د نوموړي له قوله، په یادو نښتو کې یو سیمه ییز پولیس ته هم ژوند له لاسه ورکړی.