د هرات ولایت د اوبه ولسوالۍ په بازار کې نن سهار یوې چاودنې د دوو ماشومانو په شمول درې کسان وژلي او شل نور یې ټپیان کړي دي.
دخپریدو نیټه :شنبه ۲۸ ثور ۱۳۹۸ ساعت ۱۶:۳۸
د مطلب کود : 185299
چارواکي وایي، په ټپیانو کې د اوبه ولسوال رحم الدین سرورزی او لس ماشومان شامل دي.
د دې ولسوالۍ امنیه قوماندان محمد رفیق الکوزي رسنیو ته وویل، چاودېدونکي موادو په یوه موټرسایکل کې ځای پر ځای شوي وو.
الکوزي زیاته کړه:
"هغه وخت چې د اوبه ولسوال له کوره دفتر ته روان و، د سرکوچه په سیمه کې د ولسوال د موټر د رسېدو پر مهال موټرسایکل کې ايښودل شوي چاودېدونکي مواد وچول شول."
د دې چاودنې مسؤلیت تر اوسه پورې چا پر غاړه نه دی اخیستی، خو ډېر کله وسله وال طالبان پر حکومتي چارواکو دا ډول بریدونه کوي.
د اوبه ولسوالي د هرات د مرکز په نږدې شل کیلومترۍ کې پرته او د دې ولایت یوه له نا امنو ولسوالیو څخه ده.
avapress.net/vdcjhievhuqeo8z.b,fu.html
ټګونه
ډیری لیدل شوي
مربوطه لیکنې
[۲۸ حوت ۱۳۹۷] 
[۱۹ سنبله ۱۳۹۷] 
[۱۹ میزان ۱۳۹۶] 
[۲۸ دلو ۱۳۹۷] 
[۲۸ قوس ۱۳۹۷] 
