د جوزجان ولایت د ملي امنیت ځانګړو ځواکونو د دغه ولایت په مرکز شبرغان کې عملیات ترسره کړي چې، په ترڅ کې یې د مولوي عبیدالله په نوم د دغه ولایت د فیض اباد ولسوالۍ لپاره د طالبانو تش په نوم ولسوال نیولی.
دخپریدو نیټه :يکشنبه ۲۲ ثور ۱۳۹۸ ساعت ۱۷:۳۶
د مطلب کود : 184938
د یاد ولایت د ملي امنیت چارواکي وایي چې، عبیدالله چې مستعار نوم یې (حنفي) دی د ملي امنیت د ځانګړو ځواکونو لخوا نیول شوی.
د ملي امنیت په اعلامیه کې راغلي چې، نوموړی مرکز شبرغان ته د ترهګریزو فعالیتونو لپاره راغلی و چې وروسته د ملي امنیت د ځانګړو لخوا ونیول شو.
په ورته وخت کې د طالبانو ویاند ذبیح الله مجاهد د افغان امنیتي ځواکونو دا ادعا ردوي.
سرچينه : د صدای افغان خبری آژانس(آوا)
avapress.net/vdcip5azvt1av32.k6ct.html
ټګونه
ډیری لیدل شوي
