چارواکي: ننګرهار کې داعش ډلې ته درانه ځاني او مالي زیانونه اوښتي

د یاد ولایت د ملي امنیت د چارواکو له قوله، عملیات وړمه شپه پيل شوى وو، چې ۲۴ ساعته یی دوام وکړ.
د عملیاتو په جریان کې د داعش وسله والو څلور غټ مرکزونه چې په کې زیات اندازه اسلحې، مهمات، مینونه او چاودیدونکي توکي موجود وو، له منځه وړل شوي.
همدارنګه د عملیاتو په جریان کې د ځواکونو لخوا اته کړۍ ځای پر ځای شوي ماینونه کشف او لمنځه وړل شوي.
په يادو عملياتو کې دوه تنه د داعش ډلې سره د اړیکو درلودلو په تور ژوندي نیول شوي ،چې اوسمهال تر څیړنو لاندې دي.
د یاد ولایت د چارواکو له قوله، په عملیاتو کې افغان امنیتي ځواکونو او عامو خلکو ته زیان ندي اوښتي.