امنیتي چارواکو وویل چې افغان ځانګړو ځواکونو په ننګرهار ولایت کې عملیات ترسره کړي چې، له امله یې ۸۷ داعشیان وژل شوي دي.
دخپریدو نیټه :سه شنبه ۶ حمل ۱۳۹۸ ساعت ۱۵:۳۹
د مطلب کود : 182101
د امنیتي ارګانونو په خبرپاڼه کې راغلي چې، د ننګرهار ولایت په اچین ولسوالۍ کې د ځانګړو افغان ځواکونو د ترسره شویو عملیاتو له امله ۸۷ داعشیان وژل شوي.
د عملیاتو د وخت او ځای په اړه کره مالومات ندي وړکړل شوي.
همدارنګه تیره شپه د لغمان ولایت د الیشنګ ولسوالۍ په شمسه خیلو او ګنجوړ امنیتي پوستو درې تنه وسلوالو ته هغه مهال مرګ ژوبله واوښتله چې غوښتل یې د افغان امنیتي ځواکونو پر پوستو ډله ییز بریدونه ترسره کړي برید وکړي، خو د افغان ځواکونو له لوري له کلک مقاومت سره مخ شول او په شا وتمبول شول. په دغه نښته کې د وسله والو طالبانو د یوه ځایي قومندان برادر د ډلې یو کس وژل شوی او دوه نور یې ټپیان شوي دي.
د نښتې پر مهال افغان ځواکونو ته هیڅ زیان نه دی اوښتی، خو د مخالفینو د لوري په توغول شوې هوایي مرمۍ له امله د سیمې یوې اوسیدونکو میرمنې وژل شوې.
سرچينه : د صدای افغان خبری آژانس(آوا)
avapress.net/vdciurazzt1avz2.k6ct.html
ټګونه
ډیری لیدل شوي
