نظامی سرچینی امنیتی ځواکونو اکمالاتو قطار باندی د طالبانو دوهم برید تایید کړی دی

تیره ورځ ۵:۳۰ بجو به شاوخوا د امنیتی ځواکونو اکمالاتی قطار چی د فاریاب له لوری جوزجان او بلخ لوری ته په حرکت وو، د دوهم ځل لپاره څو ورځو په رڅ کې د اندخوی ولسوالی په سیمو کې د مخالفینو کمین سره مخ شوی دی.
سمیر خیرخواه؛ د فاریاب ولایتی شورا غړۍ د لوړ خبر په تایید سره افغان غږ خبری آژانس خبرنګار ته وویل: سخته نښته کې چی د امنیتی ځواکونو او طالبانو ترمنځ رامنځته شوی ۱۰ تنه دولتی ځواکونه شهید او ټپیان شوی دی او د ۱۰ څخه ډیر موټرونه هم حریق شوی دی.
په دی نښته کې د دولت ۱۸ مخالف وسله وال هم وژل شوی او ټپیان شوی دی.
په همدی حال کې حنیف رضایی؛ د شاهین ۲۰۹ قول اردو مطبوعاتی مسوول د افغان غږ خبری آژانس خبرګزاری په مصاحبه کی د یاد برید په تایید سره ویلی دی چی یواځی دوه تنه دولتی ځواکونه ټپیان شوی دی او وضعیت د اندیښنی وړ نه دی او یواځی یو موتر سطحی تخریش شوی دی، او کوم تلفات نه دی اوښتی.
تیره پنجشنبه هم مخالفین د امنیتی ځواکونو اکمالاتی دا قطار باندی د فاریاب ولایت شیرین تګاب ولسوالی کې برید کړی وو چی د ۱۵ تنو څخه ډیر امنیتی ځواکونه شهید او ټپیان شوی وو او د ۲۰ څخه ډیر یی موټران حریق شوی وو، او علت یی هم د مرکزی حکومت سهل انګاری بلل شوی وو خو دا ځل به د برید عامل څه وی.