دفاع وزارت: تیرو ۲۴ ساعتونو کې ۳۹ تنه وسله وال طالبانو ته مرګژوبله اوښتي

خبر پاڼه زیاتوي چې دغه عملیات د هوایي ځواکونو په  ملاتړ د ننګرهار، غزني، دایکندي، ارزګان، زابل،  هرات،  فاریاب، بدخشان، بعلان او هلمند په ولایتونو  کې تر سره شوي په پایله کې د فاریاب ولایت د دولت آباد او قیصار په ولسوالیو کې ۱۹ تنه وسله وال طالبان وژل شوي، د ارزګان ولایت مرکز اړوند ترینکوټ کې ۵ تنه طالبانن وژل شوي  او د  هرات ولایت د شینډنډ او د فراه ولایت د خاک سفید په ولسوالیو کې ۴ تنه نور وسله وال هم وژل شوي
دغه راز خبر پاڼه لیکي چې په د هلمند ولایت د مارجې ولسوالۍ او لښکرګاه لویې لارې په اوږدو کې ۲ تنه له منځه وړل شوي دي، د ننګرهار ولایت د چپرهار په ولسوالۍ کې یو تن وسله وال طالب وژل شوی، د زابل ولایت د میزانې په ولسوالۍ کې یو تن طالب وژل شوی او یو تن ټپي او د بغلان ولایت د نهرین په ولسوالۍ کې ۴ تنه وسله وال ټپيان شوي دي.
که څه هم افغان حکومت د دښمن په وړاندې دغه پیل کړي هوايي او ځمکني عملیات بریالي بولي، خو یو شمېر افغانان بیا وايي چې په هوايي عملیاتو کې تر ډېره تلفات ملګي وګړو ته اوړي. د افغانستان دفاع وزارت ویلي چې، له هرې ممکنې لارې په استفادې به هڅه وکړي، څو په هوايي او ځمکنيو عملیاتو کې ملکي وګړو زیان و نه رسیږي.