د ټاکنو کمېسیون چارواکي زیاتوي، چې د ولسي جرګې ټاکنو لپاره د کاندیدانو کمپاین به د تلې تر ۲۵ مې نیټې پورې دوام وکړي.
د افغانستان د ټاکنو خپلواک کمېسیون له کاندیدانو غوښتې چې د خپلو انتخاباتي کمپاینونو په دوران اړوندو قوانینو ته درناوی وکړي.
ټاکل شوې ده چې د ولسي جرګې او ولسوالیو شوراګانو ټاکنې د بایومټریک سیسټم په وسیله ترسره شي.
د ټاکنو خپلواک کمېسیون چارواکي وایي د راتلونکو انتخاباتو لپاره د بایومټریک پېژندنې ۴۴۰۰ دستګاوې ترلاسه کړې دي.
د ټاکنو خپلواک کمېسیون په یوه باین کې ویلي، چې د بیومټریک ماشین درې برخې (ماشین یا ډیوایس، پرنټر او پاوربانک) لري. ډیوایس د معلوماتو راټولو لپاره ده، د سکنر فنګر پرنټ، کمره او د معلوماتو د راټولو پروګرام لري او له سیمکارت او وای فای څخه په ګټې اخیستنې په آنلاین او آفلاین شکل کار کوي.
خبرپاڼه زیاتوي، چې د دې ماشین سافټوئیر د دؤو ګوتو نښه، د وګړي انځور، د تذکرې او سټیکر انځور اخلي او امنیتي کوډ پکې وهل کیږي، معلومات ذخیره کوي او ځانګړۍ کوډ پرنټ کوي. په ۴۰ ثانیو یا یوې قیقې کې دغه کار کوي او کارونه یی ساده ده او مشخص محل ته ځانګړی کیږي.
د ټاکنو خپلواک کمېسیون په وینا په غیرمترقبه حالاتو کې له دې ماشین څخه هیڅوک ګټه نشي اخیستی او له عمومي ماشین (دستګاه) یعني سرور څخه د کارونې وړ دی. د دې ماشین معلومات د درغلی وړ ندي او د تکراري معلوماتو د پیژندنې وړتیا لري.
 

ستاسو نظر

مربوطه لیکنې

تازه ترین خبرونه