د فلسطین خبري اژانس وايي، نن ماسپښين اسرائیلي نیواکګرو د غزې په شمال کې د فلسطیني مقاومت د څار یوشمېر برجونه او خالي ځمکې په توپونو وويشتلې.
دخپریدو نیټه :سه شنبه ۸ جوزا ۱۳۹۷ ساعت ۱۳:۱۱
د مطلب کود : 164437
د روغتیا وزارت ویاند اشرف القدره ویلي، په دې بریدونو کې یو تن شهید شوی او یو بل ټپي شوی دی.
د حماس نظامي څانګې القسام څرګنده کړې چې د اسرائیلو په برید کې د دوی یو غړی شهید شوی دی.
د اشغالګرو په دې برید کې سیمه کې مالي زیانونه هم اوښتي دي.
پرون هم د اشغالګرو په یوه برید کې د رفاه ښار په ختیځ کې د اسلامي جهاد درې تنه غړي شهیدان شول.
په دې وروستیو کې پر غزې د اسرائیلي اشغالګرو هوايي او توپچي بریدونه زیات شوي دي.
د فلسطین مقاومت وايي، اسرائيل د ولسي لاریونونو له مقابلې څخه د ځان په ايستلو سره غواړي جګړې ته مخه کړي.
د فلسطين اړوند یوه بل خبر کې ویل شوي چې د اسرائیلو ضد لاریون کې یو ټپي شوی فلسطينی ځوان نن د ژورو ټپونو له امله شهید شو.
د فلسطین روغتیا وزارت ویلي، دا ۲۸ کلن فلسطينی ځوان څو ورځې وړاندې د جبالیا په ختیځ کې ټپي شوی و چې نن يې د اندونيزیا په روغتون کې ساه ورکړه.
avapress.net/vdcaeyn6049niy1.hxk4.html
ټګونه
ډیری لیدل شوي
مربوطه لیکنې
[۶ اسد ۱۳۹۷] 
[۲۰ اسد ۱۳۹۷] 
[۱۸ اسد ۱۳۹۷] 
[۱۸ سرطان ۱۳۹۳] 
[۲۶ سنبله ۱۳۹۹] 
