د افغانستان اجرائیه رئیس عبدالله عبدالله وایی، هغه برید چی د کندز ولایت دشت ارچی ولسوالی کې ترسره شوی، طالبانو یو مرکز باندی ترسره شوی.
دخپریدو نیټه :سه شنبه ۲۱ حمل ۱۳۹۷ ساعت ۰۹:۳۰
د مطلب کود : 161544
نوموړی پرون په کابل کې د وزیرانو شورا په غونډه کې د وینا پر مهال تائید کړه چې په دغه برید کې د طالبانو یو شمېر لوړپوړي ډلمشران وژل شوي.
خو ښاغلي عبدالله وایي، له بده مرغه د برید په ترڅ کې یو شمېر ملکي وکړو ته هم ژوبله اوښتې ده.
دا په داسې حال کې ده چې د افغانستان د ملي دفاع وزارت ویاند جنرال رادمنش تېره اوونی وویل، چې په دشت ارچي ولسوالی کې هوایي برید د وسله والو طالبانو پر یوه لویه مرکز ترسره شوی او په ترڅ کې د طالبانو ۱۸ ډلمشران هم وژل شوي دي.
نوموړی د سې شنبې په ورځ وویل، چې دغه هوایي برید د کره استخباراتي ملعومات پر اساس ترسره شوې په داسې حال کې چې په سیمه کې د طالبانو ګڼ شمېر ډلمشران راغونډ شوي وو.
نوموړی د ملکي تلفاتو په اړه وویل، چې د طالبانو پر مواضعو برید یواځې د توغندیو په وسېله ترسره شوې ده خو ملکي وګړي د سپکو وسلو په وسېله وژل شوي او یا هم ټپیان شوي دي.
د ملي دفاع زارت ویاند وایي، وسله والو طالبانو تر هوایي بریدو وروسته لومړی د ملي پوځ پر چورلکو ډزې پیل کړل او وروسته ملکي وګړي په نښه کړل.
avapress.net/vdcgtq9qtak93n4.1gra.html
ټګونه
ډیری لیدل شوي
مربوطه لیکنې
[۱۴ قوس ۱۳۹۸] 
[۱۸ میزان ۱۳۹۸] 
[۲۹ حمل ۱۳۹۵] 
[۱۰ دلو ۱۳۹۶] 
[۱۹ سنبله ۱۳۹۶] 
