محمد اشرف غني نن دوشنبه له غرمې مخکې، د اندونیزیا د بهرنیو چارو له وزیرې مېرمن رتنو مارسودي سره په کتنه کې ویلي چې د افغانستان حکومت لېوال دی چې د تلپاتې سولې په برخه کې د اندونیزیا له مثبتو تجربو ګټه واخلي.
دخپریدو نیټه :دوشنبه ۱۵ عقرب ۱۳۹۶ ساعت ۱۷:۳۷
د مطلب کود : 152648
جمهور رئیس غني او د اندونیزیا د بهرنیو چارو وزیرې د دواړو هېوادونو ترمنځ د اړیکو پر پراختیا ټینګار وکړ.
ارګ ماڼۍ نن دوشنبه په یوه بیان کې ویلي، محمد اشرف غني نن دوشنبه له غرمې مخکې، د اندونیزیا د بهرنیو چارو له وزیرې مېرمن رتنو مارسودي سره په کتنه کې ویلي چې د افغانستان حکومت لېوال دی چې د تلپاتې سولې په برخه کې د اندونیزیا له مثبتو تجربو ګټه واخلي.
ښاغلي غني همدارنګه ویلي چې د سولې عالي شورا مسؤلین به یاد هېواد ته په نږدې راتلونکي سفر کې د اندونیزیا له تجربو د ګټې اخیستنې په اړه، مفصل بحثونه ولري.
ولسمشر غني په افغانستان کې د پانګونې ښو فرصتونو ته په اشارې، د هغه هېواد د بهرنیو چارو له وزیرې وغوښتل چې د هغه هېواد سوداګر او پانګهوال په افغانستان کې د پانګونې د فرصتونو پېژندنې او پانګونې ته وهڅوي.
د اندونیزیا د بهرنیو چارو وزیرې جمهور رئیس غني ته له افغانستان سره د دوامدارې همکارۍ په خاطر، د خپل هېواد د رهبرۍ د ژمنې ډاډ ورکړی.
سرچينه : د صدای افغان خبری آژانس(آوا)
avapress.net/vdcba5b8wrhbs0p.q3ur.html
ډیری لیدل شوي
مربوطه لیکنې
[۷ میزان ۱۳۹۹] 
[۵ میزان ۱۳۹۹] 
[۲۹ سنبله ۱۳۹۹] 
[۱۰ سنبله ۱۳۹۹] 
[۳۰ اسد ۱۳۹۹] 
