د اسلامي امارت ویاند ذبیح الله مجاهد وايي چې د دې ترهګرې ډلې عمومي او عملیاتي مدیر قاري فاتح د یکشنبې په شپه د کابل ښار د ۱۷مې حوزې اړوند د «شهرک ذاکرین» په سیمه کې د امنیتي ځواکونو د عملیاتو په ترڅ کې وژل شوی دی.

په تېره یوه اوونۍ کې په کندز کې د داعش د ځالې د له منځه وړلو او په تخار کې د دغې ډلې د غړو د نیول کېدو په ګډون دوه امنیتي پېښې رامنځ ته شوې، چې د دغو دوو ولایتونو د اوسېدونکو اندېښنې یې راپارولې دي، خو امنیتي چارواکي په دې اړه بې غوري کوي. شمال ختیځ ډاډ ورکوي چې په دغو دوو ولایتونو کې د دولت پر ضد هیڅ ډله او خلکو ته کوم ګواښ نشته.

د اسلامي امارت ویاند ذبیح الله مجاهد د کابل په ختیځ کې د داعش پر یوه پټنځای د امنیتي ځواکونو د عملیاتو په اړه خبر ورکوي او وايي چې په دې عملیاتو کې د داعش دوه غړي نیول شوي او د برید کوونکو په ګډون ۶ تنه وژل شوي دي. د کج ښوونځی

د کندز امنیتي چارواکو د کندز ښار په دوهمه ناحیه کې د پنځه خوارجو د وژلو اعلان وکړ چې د داعش لپاره یوه اصطلاح ده او ویلي یې دي چې دغو کسانو د امنیت د ګډوډولو هوډ درلود.

د بلخ امنيتي چارواکي وايي، په مزارشريف ښار کې يې کور په کور تلاشي پيل کړې او موخه يې د خوارج او قاچاقبرانو د ځالو له منځه وړل او د ناقانونه وسلو راټولول دي.

د اسلامي امارت ویاند ویلي چې د کابل ولایت په بګرامی ولسوالۍ کې د داعش ترهګرې ډلې یو مهم قومندان وژل شوی دی. د هغه په وينا، د دې ډلې يو بل قوماندان هم د امنيتي ځواکونو له لوري نيول شوى دى.