د حزب الله د بې پیلوټه الوتکې په برید کې ۳۱ صهیونیسټان ژوبل شول

افغان غږ خبری آژانس: عبراني رسنۍ خبر ورکوي، چې پرون د لبنان په جنوب کې د بې پیلوټه الوتکې په برید کې لسګونه صهیونیسټي پوځیان ټپیان شول.

 

"اسرائیل الیوم" ورځپاڼې ویلي: تیره ورځ د لبنان په جنوب کې په سرحدي سیمه کې د اسرائیلي پوځیانو د راټولیدو پر ځای بې پیلوټه الوتکې برید وکړ، چې په پایله کې یې ۳۱ پوځیان ټپیان شول.

 

په همدې حال کې د حزب الله د عملیاتو خونې نن سهار په یوه بیانیه کښې اعلان وکړ چې د اسلامی مقاومت غورځنګ مجاهدینو تراوسه د لبنان په جنوب کښې د ۵۵ صهیونیسټانو د وژل کیدو او د څه دپاسه ۵۰۰ کسانو د ټپي کیدو خبر ورکړی دی.

 

د حزب الله د عملیاتو د خونې د بیان له مخې، تر اوسه ۲۰ مرکاوا ټانګونه او ۴ پوځي بلدوزرونه له منځه وړل شوي او ۲ هرمز ۴۵۰ بې پیلوټه الوتکې رانسکورې شوې دي.

 

حزب الله زیاته کړه چې دغه تلفات او تاوانونه یوازې د لبنان په جنوب کښې په شخړو پورې اړه لری او په سرحد کښې په اډو او یا د نیواک شویو ځمکو په ژورو کښې د دښمن په اډو او بیرکونو کښې د دښمنانو ته اوښتی تاوانونه شامل نه دی .

 

د حزب الله عملیاتي خونې هم له اسرائیلي دښمن سره د مقابلې یوه نوي او زیاتېدونکي پړاو ته د تګ اعلان وکړ، چې د راتلونکو ورځو رجحانات او پیښې به په ډاګه کړي.