امریکايي سناتوران افغانستان ته مرستو بندون په تړاو پنټاګون پوښتي

دوو امریکايي سناتورانو غوښتنه کړې چې د امریکا متحده ایالاتو دفاع وزیر، مارک اسپر دې افغانستان سره د یو میلیارد ډالرو مرستې بندېدو څرنګوالي په اړه سپیناوی وکړي.
ډموکراټ سناټور او د امریکا د سنا جرګې د تسلیجاتو خدماتو کمېټې غړي، جکریټ  او د یادې جرګې د بهرنیو چارو کمېټه کې د ډموکراټانو استازي، رابرټ منندز له مارک اسپر نه په یو لیک کې غوښتي باید د دې پوښتونې ته ځواب وویل شي دا چې ټرمپ ویلي وو پر افغانستان به د یو میلیارډه ډالرو مرسته بنده کړي، ایا دا مرستې بندې شوې دي او که نه؟
د لیک یوه برخه کې لیکل شوي چې که دا مرسته بنده شي، افغانستان کې د امریکا پوځي حضور باندې منفي اغېز کوي.
اوس نو د امریکا دفاع وزیر باید په لسو ورځو کې دغه لیک ته ځواب ووایي.
نږدې درې میاشتې مخکې د ولسمشر غني او د مصالحې عالي شورا مشر، عبدالله عبدالله ترمنځ د ټاکنو پایلو پرسر د راپورته شوي اختلاف له کبله امریکا متحده ایالاتو ویلي چې پر افغانستان به خپلې یو میلیارډ ډالره مرسته بنده کړي.
خو اوس کابو یوه میاشت کېږي چې د ولسمشر غني او عبدالله عبدالله ترمنځ اختلافونه پایته رسېدلي دي.