پوسټ کوډ 152096
نیټه خپرول: جمعه 20 مرغومی 139809:10

په آلمان کي يوه سړي ۶۰۰ موټر خط کړي دي؟

د آلمان د بایرن ایالت اړوند د شواین فورت په نامه ښار کې یو۲۶ کلن تورن کس محکمې ته حاضر کړل شوی دی چې د معلوماتو له مخې نوموړي د سلګونو موټرو رنګ ته زیان رسولی دی.
پر نوموړي کس د ۲۰۱۸م کال د فبروري او اپریل میاشتې په موده کې د عامه خلکو جایدادونو ته د زیان رسولو تور پورې کړل شوی دی.
د معلوماتو له مخې دغه کس په دې موده کې شاوخوا ۶۴۲ موټر د یوې تیرې آلې په واسطه خط کړي دي او د دغو موټرو رنګ ته یې زیان رسولی دی. د چارواکو په خبره د نوموړي د دغه کار له امله شاوخوا یو میلیون ډالر زیان اوښتی دی.
د بایرن ایالت په شواین فورت، ورزبورګ او همدا راز د وایتزهوشهایم په ښارونو کې د دغه راز کارونو شکایت شوی وو.
 

ستاسو نظر

  • AvaAdvertisement

تازه ترین خبرونه

  • AvaAdvertisement