د شانګهای د همکارۍ سازمان د سمرقند په غونډه کې چې پرون (جمعه د سنبلی ۲۵مه) جوړه شوې وه، د یوې اعلامیې په خپرولو سره په افغانستان کې د ټول شموله حکومتوالۍ پر رامنځته کېدو د ټینګار ترڅنګ له غړو هېوادونو څخه له افغانستان سره د مرستو د دوام غوښتنه وکړه.

د شانګهای د همکاریو سازمان په ۲۴ مه غونډه کې چې د ازبکستان په پلازمېنه تاشکند کې جوړه شوې وه، د هند د دفاع وزیر اعلان وکړ چې هېواد به یې د یوه "سوله ییز، خوندي او باثباته" افغانستان ملاتړ وکړي.