د کاپیسا ولایت سیمه ییزو سرچینو د دغه ولایت پر اسمان د بې پیلوټه الوتکې د ګزمې خبر ورکړی دی.

د متحده ایالاتو ولسمشر جو بایډن د بې پیلوټه الوتکو بریدونه په بهر کي محدود کړل او د سپینې ماڼۍ تصویب ته مشروط کړ. دا په داسې حال کې ده چې یوازې عراق او سوریه په دغه هېواد کې د امریکايي ځواکونو او متحدینو د حضور له امله د جګړې په توګه پېژندل کېږي او د دغه نوي بندیز تابع نه دي.

په داسي حال کي چي د تخار په ولسوالیو کې د هوايي بریدونو خبرونه ورکول کېږي، د دې ولایت سیمه ییز چارواکي وايي، بې پیلوټه الوتکې ګزمې کوي؛ خو هیڅ ځای نه دی په نښه کړی.

د ملي دفاع وزارت سرپرست ملا محمد یعقوب مجاهد د هېواد په هوايي حریم کې د بې پیلوټه الوتکو ګزمې ته په اشارې سره وايي، امریکايي بې پیلوټه الوتکو د پاکستان له لارې پر افغانستان یرغل ته دوام ورکړی دی. هغه دا هم وویل چې په افغانستان کې د الظواهري وژنه تر اوسه ثابته شوې نه ده او یو "ادعا" پاتې دی.