د بغلان امنیتي چارواکي وايي چې د روان کال په اوږدو کې د دغه ولایت کرنیزې ځمکې په بشپړه توګه له کوکنارو پاکې شوې دي.

د کندهار امنيتي ځواکونو د دغه ولايت د ميوند ولسوالۍ په حاجي خېلو او اکبري سيمو کې د کوکنارو درې جريبه نوي کرل شوي کښت له منځه وړي دي.

د ننګرهار د امنيې قوماندانۍ له نشه يي توکو سره د مبارزې مديريت چارواکي وايي، د دغه ولايت په څوارلسو ولسواليو کې يې ۳۰۰۰ جريبه ځمکه د کوکنارو له کښت څخه پاکه کړې او دغه کار به د دغه ولايت په ۲۲ ولسواليو کې دوام وکړي.

د افغانستان د کورنیو چارو وزارت وايي، چې د اسلامي امارت له جوړېدو وروسته په هېواد کې د کوکنارو کښت منع دی او هیچا ته یې د کښت اجازه نه ورکول کېږي.

د بامیان ولایت سیمه ییز چارواکي وايي، د دغه ولایت د امنیه قوماندانۍ له نشه يي توکو سره د مبارزې مدیریت د بامیانو مرکز ته څېرمه د شبارتو په سیمه کې د نشه يي توکو د پروسس یوه فابریکه کشف کړې ده.

د اسلامي امارت د رهبري هیئت له لوري د نشه يي توکو پر کښت د بندیز د فرمان له صادریدو وروسته، د هلمند د کرنې ریاست د دې ولایت په کروندو کې د کوکنارو د بدیل په توګه د پنبې کښت زیاتول اعلان کړل.

داسلامي امارت د رئیس الوزرا اقتصادي مرستيال ملا عبدالغني برادر اخند په قلعه ذال کي دغونډي پرمهال وويل چي حکومت په تير يو کال کي په افغانستان کي دکوکنارو دکر او اختلاس مخه نيولې ده .