د هرات ولایت د شیعه علماوو شورا د یوې اعلامیې په خپرولو سره په مزارشریف کې د تبیان د ټولنیزو او کلتوري فعالیتونو پر مرکز او د افغان غږ خبري آژانس د پروني تروریستي برید بزدلانه عمل بللی دی.

داعش ترهګرې ډلې په یوه پیغام کې په مزارشریف کې د تبیان د ټولنیزو او کلتوري فعالیتونو د مرکز او د افغان غږ خبري آژانس (آوا) په غونډه کې د خونړۍ چاودنې مسوولیت په غاړه اخیستی دی.

د هغو دریو شهیدانو له جملې څخه چې سرچینې یې د شنبې د ورځې د تروریستي برید په پایله کې راپور ورکړی وو، د بلخ ولايت د عامې روغتيا رياست او د مزارشريف د حوزوي روغتون مسئولينو په پای کې يوازې د دوو تنو شهيد کیدنه تاييد کړ، چې يو يې د افغان غږ خبري آژانس (آوا) خبريال حسين نادري او بل يې اکمل نظري خبريال او د بلخ پوهنتون د ژورناليزم پوهنځي محصل وو.

د افغانستان لپاره د امریکا ځانګړي استازي او د اروپايي ټولنې شارژدافیر د افغان غږ خبري آژانس (آوا) او په مزارشریف کې د تبیان پر مرکز تروریستي برید «تاوتریخوالی» بللی او غندلی یې دی.