کرملین پر سوریې د صهیونیسټانو برید غندلی دی

افغان غږ خبری آژانس: د روسیې د فدراسیون د ولسمشرۍ ماڼۍ ویاند«دیمیتری پیسکوف» نن (سه شنبه د میزان ۱۰مه) د دمشق په څنډو کې د صهیونیسټی تروریستی رژیم بریدونه وغندل.

 

پیسکوف په کرملین کې د یوې خبري غونډې په ترڅ کې وویل: روسیه په دمشق باندې د اسرائیلو بریدونه غندی.

 

د «سپوتنیک» خبري آژانس د راپور له مخې، نوموړي دا هم ویلي: «روسیه د سوریې له ملګرو سره په دوامداره تماس کې ده.

 

د کرملین ویاند د خپلو خبرو په یوه بله برخه کې وویل: «ولادیمیر پوتین په منظم ډول له پوځ څخه د ځانګړو پوځي عملیاتو د پرمختګ په اړه مستقیم راپورونه ترلاسه کوي.

 

د دغه رپوټ له مخې پیسکوف وویل: ټوله روسیه د ځانګړو پوځي عملیاتو په لړ کښې د روسي ځواکونو پرمختګ تعقیبوي.

 

د شمالي اتلانتیک تړون سازمان (ناټو) د عمومي منشي د بدلون په غبرګون کې، هغه دا هم وویل: "د مارک روت د ولسمشرۍ پرمهال، ناټو به په هماغه ډول خپل کار ته دوام ورکړي."

 

سپوتنیک د روسیې د یوه چارواکي له قوله ویلي: "د ناټو نوی عمومي منشي روتی په مسکو کې ښه پیژندل شوی او د ښو اړیکو هیله یې درلوده، خو هالنډ د روسیې پر وړاندې سخت دریځ غوره کړی دی."