د رئیس الوزرا د دفتر اداري مرستیال مولوي عبدالسلام حنفي په افغانستان کې د ایټالیا له سفیرې مېرمن ناتالیا کوینتاویل سره په کتنه کې وویل چې اسلامي امارت له اروپايي هېوادونو او د سیمې له نورو هېوادونو سره د تعامل او متقابل احترام پر بنسټ ښې اړیکې غواړي.
دخپریدو نیټه :چهارشنبه ۱ حمل ۱۴۰۳ ساعت ۱۱:۴۴
د مطلب کود : 287661
عبدالسلام حنفي د ایټالیا له سفیرې سره په کتنه کې:
د افغانستان سرپرست حکومت له ټولو هېوادونو سره د متقابل احترام پر بنسټ ښې اړیکې غواړي
افغان غږ خبری آژانس - کابل: د ارګ د خبرپاڼې له مخې، د رئيس الوزرا د دفتر اداري مرستیال مولوي عبدالسلام حنفي پرون په افغانستان کې د ایټالیا له سفیرې مېرمن ناتالیا کوینتاویلا په افغانستان کې د ایټالیا له ځانګړي استازي سره وکتل.
د ارګ د خبرپاڼې له مخې، په دې کتنه کې د ایټالیا سفیرې په افغانستان کې د امنیت د ټینګښت او د اسلامي امارت له لاسته راوړنو څخه خوښي څرګنده کړه.
نوموړي له افغانستان سره د خپل هېواد د مرستو دوام ته په اشارې سره زیاته کړه چې ایټالیا په افغانستان کې د پروژو پلي کول غواړي او د روغتیا، اوبو او روغتیا ساتنې او دوه اړخیزو اړیکو په برخو کې همکارۍ ته چمتو دی.
په ورته وخت کې د رئیس الوزرا اداري مرستیال مولوي عبدالسلام حنفي وویل، د افغانستان اسلامي امارت له اروپايي هېوادونو او د نړۍ له نورو هېوادونو سره د تعامل او متقابل احترام پر بنسټ ښې اړیکې غواړي او په دې برخه کې د ټولو پانګونو هرکلی کوي.
نوموړي همدا راز زیاته کړې، چې اسلامي امارت هیڅ شخص او هیواد ته اجازه نه ورکوي، چې د افغانستان خاوره د بل هیواد د امنیت پر ضد وکاروي.
avapress.com/vdcfved0yw6dcva.,ziw.html
ټګونه
ډیری لیدل شوي
