د افغانستان د حالاتو د بیا کتنې په اړه د ملګرو ملتونو د امنیت شورا په وروستۍ غیرې عامه غونډه کې د چین، روسیې او پاکستان استازو له اسلامي امارت سره د نړۍ د تعامل غوښتنه وکړه او د افغانستان پر اوسني حکومت یې فشارونه بې اغیزې وګڼل.

د روسيې جمهور رئيس د پاکستان له لومړي وزير سره په کتنه کې د دواړو هېوادونو د اړيکو د پراختيا په باب د خبرو تر څنګ له روسيې څخه پاکستان ته د ګازو د نل ليکې د غځولو موضوع ته په اشارې سره د سولې او ثبات د ټينګښت په باب غور وکړ. د افغانستان د ستونزې د حل لپاره د دغې پروژې د عملي کېدو پر اړتیا ټینګار وکړ.