د ۱۲ میلیارد افغانیو په ټولیز لګښت د پانګونې څو پروژې منظورې شوې

افغان غږ خبری آژانس - کابل: د رئیس الوزرا اقتصادی چارو مرستیال د خبر له مخې، په هغه غونډه کې چې پرون مازدیګر جوړه شوې وه، د بین المللی پانګونې کمېټې غړو د سوداګریزو بازارونو د جوړولو پر طرحې خبرې وکړې.

 

د بین‌الافغاني پانګونې کمېټې په کابل کې د سوداګریز مارکېټ د جوړېدو پر طرحې تر بحث وروسته، تصویب کړ او دغه طرحه یې د تصویب لپاره اقتصادي کمېسیون ته واستوله.

 

په دې ناسته کې په سرپل او جوزجان ولایتونو کې د سوداګریزو مارکېټونو د جوړېدو د هر اړخیزې ارزونې په موخه، بېلابېلې کمېټې موظف شول، چې له ارزونې وروسته خپل راپورونه په ټاکلي وخت د بین المللي کمیټې ته وړاندې کړي.

 

د لومړي وزیر د اقتصادي مرستیال د مطبوعاتي دفتر له خوا په خپره شوې خبرپاڼه کې راغلي، چې د پانګونې په پروژو کې د ټرانسمیشن لاین غځول او د لمریزې انرژۍ تولید، د ښارګوټو جوړول، د برېښنايي دروازو د کمپلکس جوړول، په بندرونو کې د سکینرونو نصبول او د سوداګریزو مارکېټونو جوړول شامل دي.

 

په خبرپاڼه کې ویل شوي، چې د وړاندیز شویو پروژو عملي کار هم د اقتصادي کمېسیون له تصویب وروسته پیل شوی دی.

 

د اقتصاد وزارت ویاند عبدالرحمن حبیب وویل: "د بین الافغاني پانګونې کمیټې د پانګونې د واحد مرکز د پروژو په پړاوونو کې د مناسب چاپیریال د برابرولو، د شفافیت او د پانګونې د بهیر د رامنځته کولو په برخه کې لازمې اسانتیاوې برابرې کړي دي. په اړونده وزارت کې د پانګوالو ترمنځ اغېزمنه همغږي، چې په دې وزارت کې د کورنیو او بهرنیو پانګوالو لېوالتیا رامنځته کړې ده، په ځانګړې توګه په زیربناوو، انرژۍ، کرنې، صنعت او یو شمېر نورو برخو کې.

 

د لومړي وزیر اقتصادي مرستیال تر دې مخکې اعلان کړی و، چې ستر کورني او بهرني شرکتونه لېواله دي چې په افغانستان کې په بېلابېلو پروژو کې شاوخوا ۵.۳۴۸ میلیارده ډالره پانګونه وکړي.