په کابل کې د روسیې سفیر وايي، لوېدیځ هېوادونه د افغانستان د کړکېچ د هواري لپاره هېڅ لېوالتیا نه لري، بلکې د لنډ لید جیوپولیټیک اهدافو لپاره چې د افغانستان ثبات او د سیمې امنیت ته زیان رسوي، فشار راوړي، په ځانګړې توګه د روسیې، چین او ایران په څېر قدرتونو باندي.

د چین د بهرنیو چارو د وزارت ویاند ویلي دي چې د ایران د میزایلو د پروګرام په تړاو د یو شمیر ایراني او چینایي شرکتونو په وړاندې د امریکا بندیزونه هیڅ حقیقي او قانوني اساس نه لري.

امیرخان متقي؛ د بهرنیو چارو وزیر په تاشکند کې د افغانستان د امنیت او اقتصاد په اړه په نړیوال کنفرانس کې پر افغانستان د امریکا د بندیزونو د لیرې کېدو غوښتنه وکړه او ویې ویل چې په هېواد کې د بې وزلۍ د پراخېدو یو لامل د امریکا بندیزونه دي.