دکندز ولايت سيمه ئيز مسوولين وايي چې په تير يوه کال کې څه دپاسه زر تنه بهرني سيلانيان دکندز دشيرخان بندر له لارې هيواد ته داخل شوي دي چې دغه سيلانيان له اروپايي ، اسيايي او امريکايي هيوادونو څخه دتاريخي او تفريحي ځايونو د ليدو په موخه افغانستان ته راغلي دي .

د سمنګان ولایت د اسلامي امارت د اطلاعاتو او کلتور ریاست مسؤلین وايي چې د دغه ولایت تاریخي سیمو په ځانګړې توګه تخت رستم ته د بهرنیو سیلانیانو شمیر ورځ په ورځ زیاتیږي.

د کندز ولايت د اطلاعاتو او کلتور رياست چارواکي وايي، چې په تېر يوه کال کې څو ځلې د دغه ولايت د تاريخي ابداتو د غصب او کيندلو مخه نيول شوې او په دې وروستيو کې د يوې غونډۍ د ٢٠٠ کلنو اثارو د غصب مخه نيول شوې ده.

د ملګرو ملتونو د تعلیمي، علمي او کلتوري سازمان (یونسکو) استازې پاتریشیا مک فیلیپس بامیان ولایت ته د خپل سفر په ترڅ کې د دغه ولایت د اسلامي امارت له سیمه ییزو چارواکو سره وکتل او د دغه ولایت د کلتوري میراثونو د ساتنې په اړه یې ورسره خبرې وکړې.