د افغانستان د بیارغونې لپاره د امریکا د ځانګړي مفتش دفتر "سیګار" وايي، د ۲۰۲۱ کال په اګست میاشت کې واک ته د اسلامي امارت له راستنېدو راهیسې، ملګرو ملتونو افغانستان ته له ۲،۹ میلیارده ډالرو ډېر مرستې لېږلي دي.

په کابل کې د جاپان سفیر تاکایوشي کرومیا د اقتصاد وزارت له سرپرست قاري دین محمد سره په لیدنه کې له افغانستان سره د دغه هېواد د ۵۸،۴ میلیونه ډالرو مرستې ډاډ ورکړی دی.

په کابل کې د جاپان سفارت اعلان کړی چې په افغانستان کې د بشري مرستو د رسولو او د اړمنو خلکو د لومړنیو اړتیاوو د پوره کولو په موخه به له افغانستان سره ۵۸.۴ میلیونه ډالره مرسته وکړي.

د قرغزستان د بهرنیو چارو وزارت د منځنۍ اسیا له هېوادونو غوښتي چې د افغانستان په اړه همکاري او همغږي زیاته کړي.

د ملګرو ملتونو پراختیایي دفتر ویلي، چې له افغانستان سره د مرستو د ۳۰ سلنه کموالي احتمال شته او د کموالي په صورت کې به د دغه هېواد اقتصاد ټکنی شي، انفلاسیون به لوړ شي او مایعیت به کم شي.

د اروپايي ټولنې د بشري مرستو دفتر اعلان کړی، چې افغانستان ته د اروپايي ټولنې د ۱۰۰ ټنه طبي مرستو یوه الوتکه کابل ته را رسېدلې ده.

د افغانستان مرکزي بانک اعلان وکړ، چې افغانستان ته د ۴۰ میلیونو ډالرو د بشري مرستو یوه بسته را رسېدلې او د کابل په یوه سوداګریز بانک کې زیرمه شوې ده.

د افغانستان لپاره د ملګرو ملتونو د وګړو صندوق په هلمند کې د روغتيايي خدمتونو د پياوړتيا لپاره د يو ميليون درې سوه زره ډالرو مرسته اعلان کړه.

په کابل کې د جاپان سفارت ویلي، چې دغه هېواد به له افغانستان سره د روغتیا او د کرونا واکسین د تطبیق په برخه کې څه باندې ۵ میلیونه ډالره مرسته وکړي.

د عامې روغتیا وزارت سرپرست په کابل کې په یوه خبري غونډه کې وویل، د ایران اسلامي جمهوریت د زړه د جراحۍ، د روغتونونو د ظرفیتونو د لوړولو، د روغتیايي ویزو د اسانتیا او په افشارو او بامیان ولایت کې د امام خمیني روغتونونو د بشپړولو په برخو کې د همکارۍ ژمنه کړې ده.

د افغانستان له ښځو او ماشومانو سره د جنوني کوریا۲،۲ میلیون ډالره مرسته په افغانستان کې د ملګرو ملتونو د دفتر (یونیسف) او د جنوبي کوریا د بهرنیو چارووزارت تر منځ د شوې هوکړې پر بنسټ وشوه.