د افغان اواک په نوم د افغان کډوالو د بیا میشتیدنې د ایتلاف مشر ویلي چې د پاکستان حکومت لږ تر لږه ۱۳۰ هغه افغانان چې په هغه هیواد کې د امریکا د مهاجرت ځانګړې ویزې یا اوسیدلو ته په تمه وو، شړلي دي.

د امریکا د بهرنیو چارو وزارت په یوه خبرپاڼه کې ویلي، هغه افغانان چې د دغه هېواد تابعیت لري کولای شي د خپلې کورنۍ غړو ته د بلنې لپاره درخواست ورکړي. وزارت زیاته کړه چې د "شنه کارت" استوګنې لرونکي او هغه خلک چې د ځانګړي مهاجرت ویزې (SIV) له لارې امریکا ته تللي هم کولی شي د خپلې کورنۍ غړو ته بلنه ورکړي.

د اسلامي امارت د بهرنیو چارو وزارت اعلان کړی، چې په مالیزیا کې مېشتو افغانانو ته یې د پاسپورټونو د چاپ او وېش لړۍ پیل کړې ده.

د ایران د کورنیو چارو وزیر وايي، چې د افغانستان ضد کړنې د غندلو او په هېواد کې ناسمې دي او موږ یې نه منو. د ایران او افغانستان د اړیکو د ننګولو هڅه د دښمنانو طرحه ده.

د سرپرست حکومت د کډوالو چارو وزارت اعلان کړی چې د پاکستان له زندانونو ۲۶ تنه افغان اتباع خوشي شوي دي.

د برتانیا د یوې ادارې له خوا د خپرو شویو معلوماتو له مخې، تر نیمايي زیات کډوال چې په ۲۰۲۳ کال کې د کښتۍ له لارې له خطرناک انګلیسي کانال څخه تېر شوي یوازې له پنځو هېوادونو افغانستان، ایران، اریتریا، سوریې او سوډان څخه راغلي دي.

ډان نیوز راپور ورکړی چې د پاکستان موقت حکومت یو لایحه تصویب کړې چې له مخې یې هغه افغان اتباع چې د پاکستان څخه د وتلو کره اسناد نه لري "د 800 ډالرو په بدل کې د وتلو اسناد ورکول کیږي".

د اسلامي امارت د بهرنیو چارو وزارت د پاکستان له زندانونو څخه د ۲۵ نورو افغان اتباعو د خوشي کولو اعلان وکړ.

د اسلامي امارت د بهرنیو چارو وزارت وايي چې افغان اتباعو ته به د چین د ویزو ورکولو بهیر د ثور په ۱۳ مه پیل شي.

په ايټاليا کې د افغانستان سفارت وايي، د ايټاليا په سوېل کې د کروتون په ښار کې د ډوب شويو کډوالو د هويت تر تاييد وروسته، تر اوسه د وژل شويو افغانانو له ډلې ٣٢ يې پېژندلي دي.

د پاکستان د بهرنیو چارو وزارت اعلان کړی چې تر بل خبرتیا پورې به افغان اتباعو ته ویزې نه ورکوي.

د خوړو نړیوال سازمان د یوه ټویټ په خپرولو سره د ۵۰ زرو اتباعو لپاره د تخنیکي مسلکونو د روزلو اعلان کړی دی.

د پاکستان لومړي وزیر په یوه ټویټ کې د افغان اتباعو لپاره د ویزو د ورکولو په بهیر کې د بدلون په اړه د کابینې نوې پریکړه اعلان کړه.