د اسلامي امارت مسؤلینو د کابل په دارالامان ماڼۍ کې د قران عظیم الشان د لومړني ملي نندارتون د پرانیستې په مراسمو کې د اسلامي ارزښتونو په ساتنه د ځوان نسل ټینګار وکړ او ویې ویل چې د ولس په هوښیارۍ او بیدارۍ سره د هېواد چارواکو، د دښمن شوم پلانونه به شنډ کړي.
دخپریدو نیټه :پنجشنبه ۱۳ ثور ۱۴۰۳ ساعت ۱۶:۵۷
د مطلب کود : 289782
په کابل کې د قرانکریم لومړنی ملي نندارتون
د افغانستان ځوان نسل دې د اسلامي ارزښتونو ساتنه وکړي/د دښمن شوم پلانونه به د ولس او چارواکو په بیدارۍ له منځه یوسي
افغان غږ خبری آژانس - کابل: د اطلاعاتو او کلتور وزارت او د اسلامي امارت د علومو اکاډمۍ او د نبوي سیرت بنسټ له خوا د قران کریم د لومړني ملي نندارتون د پرانیستې مراسم د سلګونو حقیقي او حقوقي شخصیتونو، دولتي مأمورین او چارواکو، حجت الاسلام والمسلمین سید عیسی حسینی مزاری د تبیان د کلتوري او ټولنیزو فعالیتونو د مرکز عمومی رئیس او ورسره مل پلاوی، د ایران، ترکیې او روسیې د سفارتونو استازو او همدارنګه قرآنی، کلتوری او سیاسی شخصیتونو ګډون کړی وو.
دغه نندارتون د چهارشنبې په ورځ د ثور میاشتې په ۱۲ مه نېټه د «قرآنی ټولنه، قرآنی زده کړه» تر شعار لاندې د اوو ورځو لپاره د سهار له ۱۰ بجو څخه د مازدیګر تر ۴ بجو پورې پیل شو. په دغه نندارتون کې د قرآن کریم ۲۵ غرفی او په دې اړوند اثار نندارې ته ایښودل شوي دي.
د اسلامي امارت د اقتصاد وزارت مسلکي معین ډاکټر عبداللطیف نظري د قران کریم د لومړي ملي نندارتون په جوړیدو خوښي څرګنده کړه او ویې ویل چې دغه نندارتون ګټور دی.
هغه زياته کړه، په اوسنيو حالاتو کې د دا ډول نندارتونونو او حلقو جوړول د اسلامي ارزښتونو د خپراوي يوه تر ټولو اساسي او اغېزمنه لار ده.
د ده په خبره، د اسلامي ارزښتونو دفاع د اسلامي نظام دنده ده او د اسلامي امارت ځواکونو د اسلامي ارزښتونو او ځمکنۍ بشپړتیا د ساتنې لپاره خپل سرونه قربان کړي دي.
نظري افغانستان د نړۍ یوازینی هیواد وباله چې درې سترو قدرتونو ته یې ماتې ورکړې ده.
هغه د افغان ولس تر ټولو مهمه ځانګړنه د دیني ارزښتونو ساتنه وبلله او زیاته یې کړه، که موږ د قرانکریم په منطق عمل وکړو، په دې سیمه کې به د یو ویاړلي ملت په توګه پاتې شو، لکه تر دې چې موږ وو.
د اقتصاد وزارت مرستیال وویل: دا د قرآن د منطق له امله دی، چې موږ د ظلم او جبر پر وړاندې مقاومت کوي او د قرآن منطق د فتحې وړ نه دی.
نوموړي دې ته په اشارې سره چې د قرآن منطق قوي ته وايي، زیاته کړه چې د اسلامي امارت موخه دا ده چې افغانستان یو پیاوړی، ځواکمن، ازاد او خپلواک هېواد جوړ کړي.
د اسلامي امارت دغه چارواکي پر ځان بسیاینه له قرآني لارښوونو څخه ګڼلې او زیاته کړې یې ده، همدا لامل دی چې له بندیزونو او محدودیتونو سره سره په هر ډګر کې د ځان بسیاینې غوښتونکي یو.
هغه د افغانۍ ثبات، د صادراتو زیاتوالی، د مالیاتو په راټولولو کې شفافیت او د انفلاسیون کنټرول په اقتصادي ډګر کې د اسلامي امارت د چارواکو له مهمو هڅو څخه وبلل.
د هغه په وينا، د افغانستان ځوان نسل بايد د اسلامي ارزښتونو ساتونکي او د اسلامي وحدت ساتونکي وي.
د اسلامي امارت د اقتصاد وزارت مرستیال ټینګار وکړ چې سرپرست حکومت به هیڅ هیواد ته اجازه ورنکړي چې د هیواد د ملي یووالي بنسټونه زیانمن کړي.
هغه څرګنده کړه، د هېواد د خلکو او چارواکو په بصیرت سره به د دښمن شوم پلانونه شنډ شي او څرګنده یې کړه، دښمن هڅه کوي زموږ د مسلمانو خلکو ترمنځ د نفاق او بې اتفاقۍ رامنځته کړي.
نظري د افغانستان خلک يو وياړلى ملت وباله او د ملت او دولت ترمنځ يې پر لا زيات يووالي ټينګار وکړ.
له بلې خوا د اسلامي امارت د قومونو او قبایلو چارو وزارت د دعوت او ارشاد رئیس مولوي شفیع الله ثاقب وویل: لکه څنګه چې د الله (ج) په شان هیڅ څوک نشته، د هغه کتاب هم بې ساري دی او داسې کتاب نشته.
دده په وینا قرآن کریم یو داسې کتاب دی چې تر قیامته به د بشر د لارښود په توګه پاتې شي.
د قومونو او قبايلو وزارت د دعوت او ارشاد رييس زياته کړه چې خلک بايد يو موټى شي او قران کريم د اسلامي امت د اتحاد او ورورولۍ مرکز دى.
دده په وینا هغه څوک چې قرآن کریم زده کوي او هغه څوک چې درس ورکوي ټول د خدای پاک بندګان دي.
هغه په افغانستان کې د خلکو پر اتحاد او اتفاق باندې په ټینګار سره زیاته کړه چې زموږ خدای یو دی، زموږ کتاب یو دی او زموږ قبله یوه ده.
avapress.com/vdcbw9b55rhbwzp.q3ur.html
ټګونه
ډیری لیدل شوي
