چاوش اوغلو: امریکا اوکراین ته د S-400 سیسټم د استولو وړاندیز کړی

افغان غږ خبری آژانس: د ترکیې د بهرنیو چارو وزیر مولود چاوش اوغلو د یکشنبې په ورځ (ثور ۱۷) له هابر ترک ورځپاڼې سره په مرکه کې زیاته کړه، چې امریکا په ترکیه کې د S-400 سیسټمونو په اړه موږ ته څو وړاندیزونه وړاندې کړي، دوی وویل "موږ غواړو چې تاسو د لوستلو وړ اوسئ".
 
هغه زیاته کړه چې دا وړاندیز زمونږ پر خپلواکۍ اغیزه کوي او په دې صورت کې به د ترکیې خپلواکي له منځه یوسي.
 
چاوش اوغلو په دوام کښې وویل: د ترکیې حکومت په ځلونو د S-400 سیسټم په هکله د امریکې له حکومت څخه مختلف وړاندیزونه ترلاسه کړی دی.
 
هغه زیاته کړه: که انقرې د دې وړاندیزونو په اړه انعطاف او رضایت ښودلی وای، نو واشنګټن به له اوسنیو ستونزو سره نه و مخامخ شوی.
 
د ترکیې د بهرنیو چارو وزیر په دوام وویل: امریکایانو حتی موږ ته وړاندیز وکړ چې دا سیسټم (S-400) اوکراین ته واستوو، خو موږ دا وړاندیز رد کړ.