په یمن کې د اوربند غځول به د جګړې د پای ته رسولو لامل شي

افغان غږ خبری آژانس، د ملګرو ملتونو امنیت شورا د سه شنبې په ماښام د یمن د تحولاتو په اړه غونډه وکړه، چې ډیره برخه یې د تړلو دروازو تر شا ترسره شوي. د غونډې په یوه برخه کې، چې په عام محضر کې جوړه شوې وه، د ملګرو ملتونو د بشري چارو د همغږۍ د دفتر استازي هیله څرګنده کړه، چې په یمن کې د اوربند غځول به د جګړې د پای ته رسولو لامل شي.
 
د بشردوستانه چارو لپاره د ملګرو ملتونو ځانګړي استازي زیاته کړه: "موږ هیله لرو چې د اوربند تمدید به د تل لپاره د جګړې د پای ته رسولو لامل شي او په پایله کې به په یمن کې بحران د تل لپاره پای ته ورسېږي."
 
 د ملګرو ملتونو د بشري چارو د همغږۍ دفتر (OCHA) چارواکي هم ویلي، چې اوکراین د جګړې له امله د خوراکي توکو د بیو لوړېدو بشري بودیجه اغېزمنه کړې ده.
 
د ملګرو ملتونو په وړاندیز، په یمن کې د اپریل په دویمه دوه میاشتنی اوربند نافذ شو، چې تر ټولو مهم یې د الحدیده بندرونو ته د ۱۸ د تیلو بار وړونکو کښتیو ننوتل او اجازه ورکول وو.
 
د یمن لپاره د ملګرو ملتونو ځانګړي استازي هانس ګروندبرګ د سعودي ایتلاف له خوا د اوربند له پرله پسې سرغړونو سره سره په یمن کې د دوه میاشتني اوربند د غځولو اعلان وکړ.
 
د یمن لپاره د ملګرو ملتونو ځانګړي استازي دا هم ویلي، چې د جګړې له ښکېلو غاړو څخه یې د اوربند د سرغړونې راپورونه ترلاسه کړي، پرته له دې چې سرغړونکي نوم واخلي.
 
هغه وویل، مونږ پر حوثیانو غږ کوو چې د سړکونو د بیا پرانستلو لپاره د ملګرو ملتونو وړاندیز ته مثبت ځواب ووایي.
 
 په ملګروملتونو کښې د روسیې استازی هم د امنیت شورا په غونډه کښې په یمن کښې د مثبتو نښو زیاتیدو ته اشاره وکړه او په دغه هیواد کښې یې د اوربند د غځیدلو هرکلی وکړ.
 
په ملګرو ملتونو کې د روسیې استازي د ملګرو ملتونو د ځانګړي استازي لخوا د پیچلي منځګړیتوب د ترسره کولو ستاینه وکړه او په ټول یمن کې یې خوراکي توکو او سرچینو ته د لاسرسي په اړه د ټولو بندیزونو د لرې کولو غوښتنه وکړه.
 
سعودی عربستان د ۱۹۹۴ میلادی کال د مارچ په شپږمه نیټه د امریکا او د صهیونیسټ رژیم په ملاتړ او ملاتړ سره د اماراتو په شمول د څو عربو هیوادونو د ائتلاف په چوکاټ کښې د یمن ترټولو بې وزله عرب هیواد دیمن پرضد پراخ عملیات پیل کړل .