هرات کې ترافیکي پېښه لس تنو ته مرګ ژوبله اړولي ده

افغان غږ خبری آژانس - هرات: د هرات د پولیسو ویاند عبدالله انصاف وايي، چې تېره شپه شاوخوا ۷ بجې یو فیلډر ډوله موټر، چې له هرات څخه د ادرسکن ولسوالۍ پر لور روان و، د شاه بید په سیمه کې له سویفټ موټر سره ټکر شوی دی.
 
د هغه په ​​وينا، د دې ترافيکي پېښې له امله د دواړو موټرونو څلور سپرلۍ وژل شوي او شپږ نور ټپيان دي.
 
ویل کیږي، چې هر کال په هرات ولایت کې د لویو مالي زیانونو تر څنګ د ترافیکي پېښو له امله ګڼ شمېر کسان مړه او یا ټپیان کېږي.