د سمنګان ولایت سیمه ییز چارواکي وايي، د دغه ولایت ۱۲ لرغوني اثار یې کشف او د اسلامي امارت د اطلاعاتو او کلتور ریاست ته سپارلي دي.

د کانونو او پټرولیم وزارت چارواکي وايي، په لوګر ولایت کې د عینک د مسو کان د پروژې د پیل پر وړاندې د پرتو خنډونو د لرې کولو لپاره له یوه چینايي شرکت سره خبرې کوي او که خنډونه لرې شي، ددغه کان د استخراج کار به شروع شي.

د غزنی ولایت د اسلامی امارت د اطلاعاتو او کلتور ریاست وایی چې دولسو بهرنیو سیلانیانو د دغه ولایت له تاریخی او طبیعی سیمو څخه لیدنه وکړه.

د ملي دفاع وزارت وايي، د ۲۰۹ اتل قول اردو منسوبینو د بامیان ولایت څخه د ۲۷ میلیونو امریکايي ډالرو په ارزښت یو شمېر پخواني اثار او لرغوني اثار کشف او ترلاسه کړي دي.

د پنجشیر ولایت چارواکي وايي، د دغه ولایت د پریان ولسوالۍ په وریاج کلي کې د پنجشیر د اطلاعاتو او کلتور ریاست د لرغونپوهانو له خوا د بودا د دورې یوه لرغونې سیمه کشف شوې ده.

د اسلامي امارت د لرغونپوهنې ریاست مسؤلینو اعلان وکړ چې د دې ادارې د مسلکي ټیم د پلټنو په پایله کې د کابل په خاکجبار ولسوالۍ کې د کوشاني دورې اړوند درې نوي لرغوني اثار کشف شوي دي.

د بغلان د اطلاعاتو او کلتور رياست مسوولين د دغه ولايت په برکه ولسوالۍ کې د ١٦ نويو لرغونو اثارو د موندلو خبر ورکوي او وايي چې دغه اثار له اسلامه مخکې دي.

د هرات ولايت د چشت ولسوالۍ يو شمېر مدني فعالان او سيمه ييز چارواکي وايي، چې د دې ولسوالۍ ډېر ارزښتناک او لرغوني اثار د سقوط له ګواښ سره مخ دي.

د سمنګان ولایت سیمه ییز چارواکي وايي، د وخت په تېرېدو او د تېرو حکومتونو د نه پاملرنې له امله د دغه ولایت ډېری تاریخي آثار د ویجاړېدو له ګواښ سره مخ دي او له بلې خوا د دغو لرغونو آثارو شاوخوا سیمې د زورواکو لخوا غصب شوی.

د هرات د موزیم چارواکي وايي چې د ګورکان دورې لسګونه تاریخي او لرغوني اثار د لرغونو اثارو د پلورونکي له خوا په دې ځای کې ډالۍ شوي دي.