په داسې حال کې چې د کار او ټولنيزو چارو وزارت مرستيال مخدوم عبدالسلام سادات وايي، شاوخوا ٦٥ زره هېوادوال بهر ته د کار لپاره لېږل کېږي، خو د ټولنيزو چارو يو کارپوه په دې باور دى، چې تر هغو چې اسلامي امارت په رسميت ونه پېژندل شي، د بېکارۍ کچه به د هرې ورځې په تېرېدو سره زياتېږي.

د باميانو يو شمېر اوسېدونکي په دغه ولايت کې د خوراکي توکو د بيو له لوړېدو شکايت کوي او وايي، چې په هېواد کې د روان وضعيت او د بې وزلۍ او بېکارۍ د ډېرېدو له امله خلک د اومو توکو د پېرلو توان نه لري.