په فاریاب ولایت کې سیلابونو د یوه ماشوم په ګډون څلور تنه وژلي دي

افغان غږ خبری آژانس – مزار شریف : د فاریاب ولایت د والی ویاند عصمت الله مرادی په دغه ولایت کې د سیلابونو او د هغوی د زیانونو په اړه د افغان غږ خبری آژانس خبریال ته وویل: په تیرو څو ورځو کې د میمنې ښار او ولسوالیو فارياب ولايت د سختو بارانونو شاهد و او سېلابونو يې ځاني او مالي زيانونه اړولي دي.

 

هغه زياته کړه: تر اوسه سېلابونو د يوه ماشوم په ګډون څلور تنه وژلي او سلګونه جريبه کرنيزه ځمکه او د استوګنې کورونه يې ويجاړ کړي دي.

 

مرادي وويل، چې په فارياب ولايت کې د طبيعي پېښو په ځانګړي ډول د سېلابونو له زيانمنو سره د مرستې لړۍ په رسمي ډول مرکزي حکومت ته وړاندې شوې، نو تمه ده، چې ډېر ژر به د زيانمنو شويو کسانو د نيولو لړۍ پيل شي.

 

په همدې حال کې د فاریاب ولایت یو شمېر اوسېدونکي وايي چې سېلابونو سلګونه کورنۍ له خپلو کورونو بې ځایه کړي او سلګونه جریبه کرنیزه ځمکه او کورونه یې ویجاړ کړي دي. دوی له حکومت څخه د پاملرنې او مرستې غوښتنه وکړه.

 

د يادونې وړ ده، چې په فارياب ولايت کې د غونډۍ لوړو او ځمکنيو غونډيو هر کال د لويو سيلابونو راوتلو لامل ګرځي او هر کال ډېر ځاني او مالي زيانونه اړوي.