د ملي یووالي حکومت اجرائیه رئیس عبدالله عبدالله کابل ته د امریکا د استخباراتو یا د CIA مشر د سفر په اړه خبر ورکړ.
نوموړې نن د وزیرانو په شورا په غوڼده کې د وینا پر مهال وویل، چې د CIA مشر تیر اونی کابل ته راغلي و.
اجرائیه رئیس عبدالله زیاته کړه، چې د CIA مشر د خپل سفر په ترڅ کې له ولسمشر محمد اشرف غني سره لیدلی دی.
د ښاغلي عبدالله په وینا، نوموړې هم د امریکا د استخباراتو مشر سره د کتني په ترڅ کې دوه اړخیزو همکاریو په هکله خبرې کړي دي.
د ملي یواوالي حکومت اجرائیه رئیس د امریکا د دغو کتنو په اړه نور جزئیات ورنه کړل خو د امریکا د استخباراتو مشر په داسې حال کې کابل ته سفر کوي چې د ولسمشر ډونالډ ټرمپ ادارې د افغانستان لپاره د نوې تګلارې په جوړېدو بوخت دي.
په همدې حال کې اجرائیه رئیس عبدالله وویل، چې د افغان حکومت چارواکي د امریکا متحده ایالاتو د بهرنیو چارو وزارت له یوه پلاوې سره هم کتلي دي او د دواړو هېوادونو ترمنځ او د دواړو هېوادونو ترمنځ پر اړوه اړخیز همکاریو خبرې اترې شوي.
دخپریدو نیټه :دوشنبه ۱۶ اسد ۱۳۹۶ ساعت ۱۳:۴۷
د مطلب کود : 147797
سرچينه : د صدای افغان خبری آژانس (آوا
avapress.com/vdcao0n6049ny01.hxk4.html
