توصيه مطلب
۰
 
جنرال رازق:
تېرې ورځې چاودنه د حقاني او ای اس ای کار دی
تاریخ انتشار : پنجشنبه ۲۳ جدی ۱۳۹۵ ساعت ۰۹:۲۸
د کندهار امنیه قومندان جنرال عبدالرازق وايي چې د کندهار د والي په مېلمستون کې د تېرې ورځې ( سه شنبه ) چاودنه د حقاني شبکې او د پاکستان د څارګرې ادارې یا ای اس ای کار بولي.
د آوا آژانس د خبر له مخی :
جنرال عبدالرازق په کندهار کې د یوې خبرې ناستې په ترڅ کې وویل چې د امنیتي بنسټونو د تېرو دوو میاشتو استخباراتي اطلاعات ښيي چې حقاني ډله غواړي چې د کندهار پوځي مشرتابه په نښه کړي.له همدې امله امنیتي تابیاوې ونیول شوې،خو له دغو ټولو سره سره ترهګر وتوانېدل چې د والي د مېلمستون په څوکیو کې چاودېدونکي توکي ځای پر ځای کړي.


د هغه په وینا،دغه مېلمستون ودانیز کار بشپړ شوی نه دی،له همدې امله ځينې کارګران په دغې پېښه کې د لاس لرو په تور نیول شوي دي.


هغه وايي چې د دغې پېښې د وژل شویو شمېر ۱۱ تنه او د ټپيانو شمېر ۱۳ تنو ته رسېږي.


د کندر د والي ویاند صمیم خپلواک وايي چې چاودېدونکي توکو په یوه کوچ کې ځای پر ځای شوي او هغه مهال نن ماښام وچاودېدل چې د کندهار سیمه‎ييز چارواکو په افغانستان کې د دغه ولایت په مېلمستون کې د عربو د متحده ایالاتو سفیر،او کونسل کوربه توب کاوه.
Share/Save/Bookmark
د مطلب کود: 136487