حماس غورځنګ: په غزې کښې ۶۰٪ کورونه دصهیونیسټ رژیم له خوا په نښه شوی دی

افغان غږ خبری آژانس: د دغه فلسطیني سازمان د معلوماتو له مخې، د ویجاړو شویو دولتي مرکزونو شمیر ۹۷ تنو ته رسیدلی، ۲۶۲ ښوونځي په نښه شوي، چې ۶۵ یې په بشپړه توګه معیوب شوي دي.

 

د ایسنا د راپور له مخې، ۸۳ جوماتونه په بشپړه توګه ویجاړ شوي او ۱۶۶ جوماتونه په جزوي توګه زیانمن شوي دي. دغه راز پر دریو کلیساګانو هم بریدونه شوي دي.

 

له بلې خوا، د فایننشل ټایمز لخوا د سپوږمکۍ د عکسونو تحلیل ښیي چې د غزې په شمال کې نږدې نیمایي ودانۍ د جګړې په جریان کې ویجاړ شوي یا سخت زیانمن شوي.

 

په الشطي کمپ کې د سپوږمکۍ مالومات ښيي چې د کمپ یوازې ۳۰ سلنه ودانۍ پاتې دي.

 

په همدې حال کې د فلسطینیانو د شهیدانو شمېر تر دیارلس زرو زیات شوی دی چې له ۵۵۰۰ څخه زیات ماشومان او ۳۵۰۰ یې ښځې دي.