مردم علم دوست وشاگردان عزیز مکاتب ولایت جوزجان در یک اقدام وطن دوستانه برای آن عده از شاگردان، معلمین ومسوولین معارف در ولایت سرپل کمک جمع آوری کردند و این آسیب دیدگان بر اثر سیلاب های سنگین ماه های ثور و جوزای سال روان مصدوم و آسیب های اقتصادی زیادی دیده اند.
این کمک ها در مجموع 550 ثوب البسه، گندم، تکه، 5 بوری برنج، 11 بوری مواد خوراکه ومبلغ 815000 افغانی پول نقد جهت اعمار دیوار احاطه مکتب خطیب آباد جمع آوری و طی محفلی رسماً از طرف عبدالحی یشین رئیس معارف جوزجان به عبدالغفور سرپلی رئیس معارف سرپل تسلیم داده شد.
وزارت معارف افغانستان ضمن تمجید این اقدام نیک وبشر دوستانه هموطنان عزیز و شاگردان ارجمند ولایت جوزجان، آنرا به دیده قدر نگریسته وخواهان همکاری های مضاعف تمام هموطنان خود در سراسر کشور به معارف و تقویه سیستم تعلیم وتربیه در کشور گردید.
منبع : خبرگزاری صدای افغان(آوا) - کابل
