خبرگزاری صدای افغان (آوا) - کابل: دفتر مطبوعاتی وزارت معارف با نشر خبرنامه ای گفته که مولوی حبیبالله آغا، سرپرست وزارت معارف، با هیأتی از بزرگان قومی ولایت پکتیا، دیدار نمود.
در این دیدار، هیأت قومی پکتیا با سرپرست وزارت معارف، در پیوند به وضعیت معارف، رسمی شدن مدارس دینی، بازسازی تعمیرهای مکاتب برای شاگردان و موضوعات مرتبط به تعلیم و تربیه بحث و گفتگو نمودند.
همچنان هیأت یادشده، از سرپرست وزارت معارف دعوت نمودند، تا جهت بررسی وضعیت تعلیم و تربیته به آن ولایت سفر کند.
سرپرست وزارت معارف ضمن ابراز خرسندی از این دیدار افزود، بازسازی مکاتب، تقویت سیستم آموزشی و ایجاد مدارس دینی در سراسر کشور در اولؤیت برنامههای این وزارت قرار دارد، البته رهبری وزارت معارف در تطبیق آن خویش را متعهد میداند.
وی افزود که وزارت معارف تلاش میکند در حد امکانات دست داشته به مشکلات تعلیم و تربیه ولایت پکتیا توجه کند و در وقت معین به آنها رسیدگی نماید.