دیدار معین سیاسی وزارت خارجه با رییس جمهوری تاجیکستان

به گزارش آوا به نقل از رادیو آزادی، در این ملاقات، رئیس جمهور امام‌علی رحمان، با توجه به مشترکات زبانی، فرهنگی، دینی و تاریخی میان دو کشور، خواهان گسترش روابط در ابعاد مختلف سیاسی، تجاری، اقتصادی، فرهنگی و همکاری امنیتی شد.
 
حکمت‌خلیل کرزی؛ معین سیاسی وزارت خارجه نیز در این دیدار، گسترش بیشتر روابط در عرصه‌های مختلف میان دو کشور و منجمله همکاری امنیتی را به نفع هر دو کشور خواند.
 
او برای اشتراک در کنفرانس بین‌المللی مبارزه با تروریزم به دوشنبه؛ پایتخت تاجیکستان سفر کرده‌است.