وزیر امور خارجه جمهوری اسلامی افغانستان در دیدار با رئیس جمهور تاجیکستان گفت: خواهان همکاری گسترده با تاجیکستان در زمینه های گوناگون، به ویژه همگرایی اقتصادی و اتصال منطقه از راه ترانزیت و انتقال انرژی، و مبارزه با نگرانیها، چالشها و تهدیدات مشترک می باشد.
به گزارش خبرگزاری آوا، وزیر امور خارجه جمهوری اسلامی افغانستان، در جریان سفر رسمی اش به دوشنبه پایتخت تاجیکستان با امام علی رحمن رئیس جمهوری این کشور، در قصر ریاست جمهوری دیدار کرد وشمن اظهار امتنان از فرصت ملاقات با رئیس جمهوری این کشور در باره اوضاع سیاسی و امنیتی، پیشرفتهای اخیر و اولویتهای آینده حکومت در عرصه های مختلف، به ویژه روند صلح، و دستآوردهای نیروهای ملی دفاعی و امنیتی افغانستان در مبارزه با تروریزم معلومات ارایه نمود.
وی اظهار داشت: افغانستان خواهان همکاری گسترده با تاجیکستان در زمینه های گوناگون، به ویژه همگرایی اقتصادی و اتصال منطقه از راه ترانزیت و انتقال انرژی، و مبارزه با نگرانیها، چالشها و تهدیدات مشترک می باشد.
رئیس جمهوری تاجیکستان نیز در ادامه حضور وزیر امور خارجه جمهوری اسلامی افغانستان را به دوشنبه خوش آمدگفت و ضمن ابراز خرسندی از این ملاقات، اظهار امیدواری نمود که سفر رسمی وی به دوشنبه در راستای رشد هرچه بیشتر مناسبات نیک میان دو کشور همسایه و برادر مؤثر واقع خواهد شد.
امام علی رحمان عنوان کرد: مشترکات متعدد و فرصتهای مساعد منطقوی برای همکاریهای متقابلاً مفید اقتصادی میان دو کشور وجود دارد و صلح، ثبات و رفاه اقتصادی در افغانستان را به نفع آن کشور می باشد .
وی اطمینان داد: تاجکستان به دوام روابط حسنه و همکاریهای سودمند با افغانستان متعهد خواهدبود.
لازم به ذکر است: وزیر امور خارجه جمهوری اسلامی افغانستان پس از ملاقات با رئیس جمهوری تاجیکستان، در باره نتایج و دستآوردهای سفر رسمی اش به دوشنبه، با خبرنگاران رسانه ها صحبت نمود.
