کشور تاجیکستان و چین روز پنجشنبه گذشته در امتداد سرحدات با افغانستان یک عملیات مشترک ضد تروریزم برگزار کردند.
به گزارش خبرگزاری صدای افغان(آوا) این عملیات به سلسله تحرکات چین در زمینۀ تأمین امنیت در این منطقه صورت می‌گیرد.
در این عملیات که روز پنجشنبه آغاز شد و تا 2 عقرب ماه بعد ادامه خواهد یافت، حداقل حدود ۱۰ هزار نظامی، وسایط حربی و هلیکوپتر‌ها سهم دارند.
در ماه گذشته مقامات تاجیکستان گفته بودند که چین به خاطر تحکیم امنیت در امتداد ۱۳۰۰ کیلومتر سرحد مشترک تاجیکستان با افغانستان که مسیر قاچاق هرویین به شمار می‌آید، تأسیسات زیربنایی را اعمار خواهد کرد.
در آغاز سالجاری میلادی چین و تاجیکستان شامل یک ائتلاف ضد تروریزم با افغانستان و پاکستان شدند.
امنیت در جمهوریت‌های سابق اتحاد شوروی، منطقه ای که با ایالت سیهنیاگ چین هم مرز است، زمانی حوزهء فعالیت روسیه به شمار می‌رفت، اما حمله انتحاری بالای سفارت چین در قرغزستان در ماه اگست، نگرانی‌های امنیتی چین را برجسته ساخت.
بعد از آنکه ازبکستان و قرغزستان قرارداد استفاده از پایگاه‌های نظامی را برای عملیات در افغانستان خاتمه دادند، نقش امنیتی امریکا در این منطقه کاهش یافته است.
