د فارس خلیج د همکارۍ شورا او د منځنۍ اسیا د پنځو هېوادونو د مشرانو لومړۍ غونډه په جده کې جوړه شوه. په دې غونډه کې برخه والو هېوادونو له نړيوالې ټولنې وغوښتل چې د افغانستان خلک يوازې نه پرېږدي.

ملګري ملتونه وايي، چې د دغه سازمان د سرمنشي په استازیتوب یو لوړ پوړي پلاوي افغانستان ته سفر کړی دی. دغه پلاوي تر دې دمه څو ګاونډیو هېوادونو، د فارس خلیج هېوادونو او د افغانستان په تړاو یو شمېر نورو هېوادونو ته سفرونه کړي دي.