آوا - کابل: د عامې روغتیا وزارت چارواکي وايي، چې د روان کال په اوږدو کې دغه پېښې په ځانګړو مرکزونو کې تر تشخیص وروسته ثبت شوې دي.

تر اوسه پورې د ايډز د تشخيص او درملنې د مرکزونو د لاس لرلو له امله دغه ناروغي تر ډېره پټه وه.

د ورکړل شویو شمېرو له مخې، اوسمهال په ټول هېواد کې د ایډز ناروغۍ د درملنې اته مرکزونه او د ایډز د تشخیص ۶۱ مرکزونه شتون لري.

د عامې روغتیا وزارت وايي چې په ټول هېواد کې د اېډز ناروغانو ته د روغتیايي خدمتونو د وړاندې کولو لړۍ دوام لري.