د لبنان حزب الله نن سهار (یکشنبه) اعلان وکړ چې په تیرو دوو عملیاتو کښې یې د صهیونیسټانو یو مرکز او د صهیونیسټی پوځیانو د شتون ځایونه په نښه کړل او نښتې اوس هم دوام لری.

آوا: د لبنان د اسلامی مقاومت غورځنګ نن سهار په یوه بیانیه کښې اعلان وکړ چې د دغه غورځنګ مجاهدینو د سهار له ۹:۳۰ بجو څخه د البیاضة ښار په شمال ختیځ کښې د صهیونیسټی پوځیانو د غونډې په ځای حمله وکړه.

د خبر له مخې دغه برید د ماشیندارو او راکټونو په وسیله ترسره شو او نښتې تر دې مهاله دوام لري.

دغه غورځنګ همداشان د نیواک شوي فلسطین په شمال کښې د  آیلت هشاحر په ښارګوټي د خپل توغندیز برید اعلان کړی دی.

د لبنان حزب الله د اسراييلي پوځ د يرغلګرو پر ضد ۳۴ بېلابېل عمليات تر سره کړي دي.