د پوهنې وزارت وايي، د جوزجان ولایت په شبرغان ښار کې د یوه خیریه بنسټ په مالي مرسته او د سیمې د خلکو په مرسته د څه باندې درې میلیونه افغانیو په ارزښت یو ښوونځی جوړ او ګټې اخیستنې ته وسپارل شو.

آوا - کابل: د پوهنې وزارت مطبوعاتي دفتر نن (پنجشنبه، د قوس ۱) د یوې خبرپاڼې په خپرولو سره د جوزجان ولایت په شبرغان ښار کې د یوه ښوونځي د پرانیستې او پرانیستلو خبر ورکړی دی.

دغه وزارت وايي، د جنرال عبدالحکیم لېسې بیا رغونه شپږ مجهز درسي ټولګي او دوه درسي خونې لري، چې د یوه خیریه بنسټ او سیمه ییزو بنسټونو په مالي مرسته د ۳ میلیونه او ۱۵۰ زره افغانیو په لګښت پرانیستل او ګټې اخیستنې ته وسپارل شوې. خلک

په خبرپاڼه کې راغلي دي چې د دغه ښوونځي د پرانېستې پر مهال د دغه ولایت د پوهنې رئیس مولوي سید حفیظ الله معتصم بلیغ د خیریه بنسټ او د سیمې خلکو څخه د مننې په ترڅ کې ومنله چې د دغې ودانۍ په جوړېدو سره د زده کوونکو لپاره د ټولګیو د نشتوالي ستونزه به حل شي.

خبرپاڼه زیاتوي، چې د یادې لېسې یو شمېر زده کوونکو او استادانو هم د یادې لېسې د نوي ترمیم له جوړېدو خوښي وښوده او د پوهنې له وزارت څخه یې په هېواد کې د ښوونیز وضعیت د ښه والي له امله مننه وکړه.

تر دې وړاندې هم د هېواد په یو شمېر ولایتونو کې د دولت له بودجې او د مرستندویه بنسټونو په مالي مرسته نوي ښوونځي جوړ شوي وو.