آوا: د پاکستان د بهرنیو چارو وزارت ویلي، د افغانستان لپاره د روسیې ځانګړی استازی به د پنجشنبې په ورځ پاکستان ته سفر وکړي.

د پاکستان د بهرنیو چارو وزارت ویاندې زهرا بلوچ نن یوې خبري غونډې ته وویل چې کابلوف به د بهرنیو چارو وزارت له مرستیالې آمنه بلوچ او د افغانستان او لویدیځې اسیا لپاره د بهرنیو چارو وزارت له مرستیال احمد نسیم ورایچ سره وګوري.

بلوچ وویل، "دواړه خواوې به د افغانستان وضعیت بیاکتنه وکړي او په سیمه کې به د سولې او ثبات په وده کې د ګاونډیو هیوادونو په رول خبرې وکړي."