آوا: ایراني رسنیو خبر ورکړی، چې جنرال فیاض بن حمید الرویلي نن ماسپښین تهران ته تللی او هلته یې د وسله والو ځواکونو لوی درستیز جنرال محمد باقري سره وکتل.

ویل شوي، چې د سعودي د وسله والو ځواکونو د لوی درستیز او د ایران د وسله والو ځواکونو د لوی درستیز تر منځ به دوه اړخیزې اړیکې او دفاعي اړیکې هم د خبرو له موضوعاتو څخه وي.

تېر کال د ایران د وسله والو ځواکونو لوی درستیز محمد باقري د سعودي له دفاع وزیر خالد بن سلمان سره په ټیلیفوني خبرو کې د سیمې د پرمختګونو، د دواړو هېوادونو د وسله والو ځواکونو ترمنځ د دفاعي همکاریو د کچې د لوړولو او د اسلامي نړۍ د مهمو مسایلو په اړه خبرې وکړې.