آوا - کابل: د کرنې، اوبولګولو او مالدارۍ وزارت مطبوعاتي دفتر په یوه خبرپاڼه کې ویلي، چې د فاریاب ولایت د کرنې، اوبولګولو او مالدارۍ رئیس مولوي جان مراد وقار ویلي، چې د خوړو نړیوال سازمان (WFP) او د ناروې کمیټې په همکارۍ د سړې خونې د جوړولو لپاره دوه ویشت زره ډالره لګښت لري.

 

د ۵۴ متر مربع سړې خونې د لسګونه ټنو سبزیجاتو او میوو د ذخیره کولو ظرفیت لري.

 

کروندګر د خپلو حاصلاتو لپاره د سړو خونو په جوړېدو خوښ دي او وايي، چې کولی شي خپل حاصلات د ډېر وخت لپاره وساتي او د خرابېدو مخه يې ونيسي.